Աշխատանքի և սոցիալական հարցերի նախարար Արսեն Թորոսյանը հայտարարել է, որ Ազգային ժողով է ուղարկվել Աշխատանքային օրենսգրքում փոփոխություններ կատարելու մասին նախագիծ, որով կներդրվի «ծնողական ժամի» ինստիտուտը։
«Դա այն քաղաքացիների համար է, որոնք ունեն մինչև 12 տարեկան երեխաներ։ Եթե ունեք մինչև 12 տարեկան մեկ կամ երկու երեխա, ապա կկարողանաք ձեր աշխատաժամանակը կրճատել 30 րոպեով, իսկ 3 և ավելի երեխաների դեպքում՝ մինչև 1 ժամով՝ գործատուի հետ գրավոր համաձայնությամբ»,- ասել է նախարարը՝ հավելելով, որ կարգավորումը կգործի նաև հաշմանդամություն ունեցող երեխաների ծնողների համար։
