Իսրայելը ձգտում է Իրանի շուրջ հակամարտությունը տարածել ողջ տարածաշրջանում, որտեղ խաղաղությունը հնարավոր է հրեական պետության սադրիչ գործողությունների դադարեցման դեպքում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
«Իրանի շուրջ այս ճգնաժամը ծնած գլխավոր պատճառներից մեկը Իսրայելի կողմից իրականացվող անդադար սադրանքներն են։ Տարբեր պատրանքներով ու ուտոպիստական երազանքներով տարված՝ Իսրայելն իր սադրանքներով արդեն բազմիցս ապացուցել է, որ չի խորշում սեփական քմահաճույքի համար մեր տարածաշրջանը կրակի մատնելուց։ Իսրայելը ձգտում է, որպեսզի այս պատերազմը տարածվի ողջ տարածաշրջանում, որպեսզի դրանում լարվածությունն էլ ավելի սաստկանա։ Առաջին հերթին անհրաժեշտ է չեզոքացնել Իսրայելի սադրանքները, իսկ հետո կառուցել իրական խաղաղություն», – ասել է Էրդողանն իր լրագրողների խմբին՝ մայիսի 13-15-ը Ղազախստան կատարած այցից վերադառնալիս։
Նրա խոսքով՝ Թուրքիան շարունակելու է ջանքեր գործադրել տարածաշրջանում խաղաղություն ապահովելու համար։ «Մենք հավատում ենք, որ տարածաշրջանային խնդիրները կարող են լուծվել տարածաշրջանի երկրների կողմից։ Միասին մեծացնելով մեր ջանքերը հանուն կայունության և խաղաղության՝ մենք պետք է կանխենք այս արյունալի խաղերը։ Եթե տարածաշրջանում պահանջվում է ամուր կայունություն, յուրաքանչյուրը պետք է մի կողմ դնի իր կարճաժամկետ հաշվարկները։ Երկրները պետք է պաշտպանեն ոչ թե միջազգային ընկերությունների ու արտաքին խաղացողների, այլ իրենց երկրի և իրենց քաղաքացիների իրավունքները», – հայտարարել է Էրդողանը։
