Սիրիայի ընդդիմությունը հանդես է եկել երկրի ներքին գործերին օտարերկրյա միջամտության դեմ: Այս մասին Մոսկվայում տեղի ունեցած մամուլի ասուլիսին հայտարարել է Սիրիայի ընդդիմության պատվիրակության ներկայացուցիչ Ալի Հայդարը:
«Մենք կցանկանայինք շնորհակալություն հայտնել Ռուսաստանին և Չինաստանին ՄԱԿ-ի Անվտանգության խորհրդում վետոյի համար: Այն թույլ տվեց շարունակել միասնական Սիրիայի գոյությունը»,- ընդգծել է նա:
Հայդարը նշել է, որ Սիրիայում իրական բարեփոխումները միայն ժամանակի հարց են, և դրանք պետք է իրագործվեն բոլոր շահագրգիռ կողմերի երկխոսության ճանապարհով:
