ԱՄՆ Դաշնային պահուստային համակարգի (ԴՀՀ) ղեկավար Բեն Բեռնանկեն հայտարարել է, որ իր ղեկավարած կառույցը չի զբաղվում դոլար տպելով: Այս մասին նա հաղորդել է CBS հեռուսատընկերությանը տված հարցազրույցում: Նա ասել է, որ «գոյություն ունի միֆ, թե մենք միայն փող ենք տպում: Մենք դոլար չենք տպում: Շրջանառության մեջ գտնվող կանխիկ գումարի ծավալը չի փոխվել: Դրամական զագվածը հիմնականում մնում է անփոփոխ»,- ասել է նա:
Բեն Բեռնանկեն նաև հայտարարել է, որ ժամանակը չէ բարձրացնելու վերաֆինանսավորման տոկոսադրույքը, քանի որ սղաճը նորմայի սահմաններում է: Նա ասել է, որ եթե անհրաժեշտություն լինի, ապա այդ տոկոսադրույքը կավելացվի 15 րոպեի ընթացքում:
Սակայն փորձագետները կարծում են, որ Բեռնանկեի ղեկավարած մարմինն ի վիճակի չէ խթանել տնտեսության աճը, քանի որ փոխառություններով վճարվող գումարներն արդեն հասել են զգալի քանակի: Բացի այդ, խնդրահարույց ակտիվների գնման պայմաններում, դաշնային պահուստային համակարգը կարող է խթանել շուկայում որոշ անհամապատասխանություն` իրական գնի և շուկայում առաջարկվող գների հետ համեմատ: