Ելնելով ԱՄՆ բյուջեի դեֆիցիտի հետևանքով առաջացած լուրջ իրավիճակից` ԱՄՆ պաշտպանության նախարարությունը ռազմական ծախսերը կրճատելու ծրագիր է մշակում: Այս մասին հաղորդում է Associated Press-ը՝ վկայակոչելով ԱՄՆ զինված ուժերի ցամաքային զորքերի շտաբի պետ Ռեյմոնդ Օդիերնոյի խոսքերը:
Ռազմական գերատեսչության ներկայացուցիչը հայտնել է, որ դեպքերի այդպիսի դասավորության դեպքում ԱՄՆ բանակը ամբողջությամբ կզրկվի հասարակ զենքի կիրառմամբ միաժամանակ կոնվենցիոնալ հակամարտություն վարելու հնարավորությունից:
Մասնավորապես, մշակվող ծրագիրը նախատեսում է առաջիկա 10 տարիների ընթացքում ռազմական ծախսերը կրճատել 450 մլրդ եվրոյով: Գեներալը նշել է, որ եթե Կոնգրեսը չգտնի բյուջետային դեֆիցիտը փակող այլ աղբյուրներ, ապա առաջիկայում ռազմական գերատեսչության ծախսերը կարող են ավելի կրճատվել:
Ավելի վաղ հաղորդվում էր, որ Պենտագոնը հնարավոր է՝ 2016 թ. ցամաքային զորքերի թիվը կրճատի 52 հազարով` այն հասցնելով 520 հազարի: