Շաբաթ օրը երեկոյան, Աշտարակի բնակիչ 28-ամյա Աշոտ Սոխլաքյանցը, գիշերը տուն վերադառնալով, կնոջը հայտնաբերել է սիրեկանի հետ:
Դավաճանության ականատեսը լինելուց հետո նա խանդի հողի վրա վճի է բռնվել կնոջ սիրեկանի հետ, ծեծի ենթարկել կնոջը, իսկ հետո դանակի մի քանի հարվածներով դաժանաբար սպանել կնոջ սիրեկանին` 27-ամյա Արթուրին:
Հարևանները, լսելով աղմուկը, շտապել են դեպքի վայր և տեսել, թե ինչպես է Աշոտը ատրճանակի կոթով հարվածում կնոջ գլխին, իսկ սիրեկանն արնաշաղախ վիճակում էր: Հարևաններին, սակայն, հաջողվել է մարդասպանի կնոջը՝ Կատրինին, փրկել և մարմնական վնասվածքներով տեղափոխել հիվանդանոց:
Աշտարակի քննչական ծառայության բաժնի պետ Ալբերտ Երիցյանը մեզ հետ զրույցում նշեց, որ հարուցվել է քրեական գործ, կան ձերբակալվածներ, բայց ավելին ասել չի կարող , քանի որ նախաքննություն է ընթանում: Նախաքննության արդյունքում նաև կպարզվի՝ այդ կինն անբարոյակա՞ն է եղել, թե՞ ոչ:
Նշենք, որ ամուսիններն ունեն երկու երեխա:
