Ինչպես տեղեկացրել էինք՝ ԼՂՀ Պաշտպանության բանակի «Եղնիկներ» զորամասում զինծառայողների միջև ոչ կանոնադրական հարաբերությունների արդյունքում միջադեպ է գրանցվել: Դեպքի մանրամասները դեռևս անորոշ են։ Վարկածներից մեկի համաձայն՝ միջադեպի պատճառը բռնաբարության փորձն է եղել:
Մեր հարցին՝ բռնաբարության վարկածը որքանո՞վ է ստույգ, ՊՆ քննչական բաժնի հասարակայնության հետ կապերի ավագ սպա Մերի Սարգսյանը պատասխանեց, որ բռնաբարության վարկածը չեն կարող հաստատել կամ հերքել մինչև փորձաքննության եզրակցությունը չստանան: Իսկ թե որն է եղել միջադեպի պատճառը, և ովքեր են ներգրավված գործում՝ ասաց. «Առայժմ հայտնի չէ, բայց հոդվածը արդեն ասում է՝ ստորդասության փոխհարաբերությունների բացակայության պայմաններում»։
Հիշեցենք, որ ՊՆ քննչական ծառայության 3-րդ կայազորային քննչական բաժնում քրեական գործ է հարուցվել Քրեական օրենսգրքի 359 հոդվածի առաջին մասով (Զինծառայողների փոխհարաբարերությունների կանոնագրքային կանոնները խախտելը նրանց միջև ստորադասության հարաբերությունների բացակայության դեպքում, որն արտահայտվել է անձի պատիվն ու արժանապատվությունը ստորացնելով, նրանց ծաղրի ենթարկելով կամ հալածելով կամ զուգորդվել է բռնություններով): Կատարվում է նախաքննություն: Սակայն առայժմ այս գործով ձերբակալվածներ չկան:
