Հռոմի պապ Բենեդիկտոս 16-րդը Իտալիայի Կալաբրիա մարզ կատարած այցի ժամանակ կոչ է արել ժողովրդին համատեղ պայքարել մաֆիայի դեմ: Ինչպես հաղորդում է Agence France-Presse գործակալությունը, Լամեցիա-Թերմ քաղաքում ելույթ ունենալով 50 հազար հավատացյալների առաջ՝ պապը խնդրել է Կալաբրիայի բնակիչներին անձնական ամբիցիաները վեր չդասել ազգի շահերից, պայքարել երիտասարդության շրջանում բարձր գործազրկության և «Նդրանգետա» հանցագործ խմբի ազդեցության դեմ:
«Նդրանգետան» երկրի 4 գլխավոր հանցագործ խմբավորումներից մեկն է: Այն իրենից ներկայացնում է ճյուղավորված միջազգային հանցագործ ցանց, որի տարեկան եկամուտը,- հիմնական աղբյուրը թմրանյութերի վաճառքն է,- կազմում է տասնյակ միլիարդ եվրո:
Կալաբրիան Իտալիայի ամենաաղքատ մարզերից մեկն է: Այստեղ գործազրկության մակարդակը երիտասարդության շրջանում գերազանցում է 25%-ը:
