Պաղեստինի Ինքնավարության առաջնորդ Մահմուդ Աբբասը հոկտեմբերի 9-ին պաշտոնական այցով ժամանել է Սալվադոր: Նա համաշխարհային շրջագայություն է կատարում, որի նպատակն է համոզել ավելի ու ավելի մեծ թվով պետությունների` ՄԱԿ-ում կողմ քվեարկել Պաղեստինի անկախ պետության ստեղծմանը:
Մինչ այդ Աբբասն այցելել էր Դոմինիկյան Հանրապետություն, որտեղ հանդիպում էր ունեցել երկրի ղեկավարի և պաղեստինյան համայնքի հետ: Սալվադորում Մահմուդ Աբբասը հանդիպելու է նախագահ Մաուրիսիո Ֆունեսի և արտաքին գործերի նախարար Հուգո Մարտինեսի հետ:
Մինչ այդ Սալվադորի իշխանությունները հայտարարել էին, որ աջակցում են անկախ Պաղեստինի ստեղծման գաղափարին, բայց թե ինչպես կքվեարկեն ՄԱԿ-ում, դեռ որոշված չէ:
