Ռուսաստանը հետաքրքրված է Հայաստանի հետ հարաբերությունների զարգացմամբ և Երևանին դիտարկում է որպես գործընկեր և դաշնակից. հայտարարել է ՌԴ ԱԳ նախարար Սերգեյ Լավրովը ԱԺ նախագահ Ալեն Սիմոնյանի հետ հանդիպման ժամանակ։
Ռուսաստանի արտաքին գործերի նախարարը նշել է, որ Մոսկվան գիտակցում է Հարավային Կովկասում ստեղծված դժվարին իրավիճակը։
Նախարարի կարծիքով՝ Եվրամիությունը մշտապես Հայաստանին ընտրության առաջ է դնում՝ լինել Մոսկվայի հետ, կամ՝ Բրյուսելի։ Նա նաև հույս է հայտնել, որ Երևանը հասկանում է ԵՄ քաղաքականության դրդապատճառները։
«Մեզ համար մի փոքր տարօրինակ է լսել պարբերաբար հնչող հայտարարություններ Հայաստանի դեմ հյուսիսից նախապատրաստվող ինչ-որ միֆական հարձակումների, ՀԱՊԿ-ի կողմից գոյություն ունեցող սպառնալիքի մասին»,- ասել է Լավրովը։
Նա ընդգծել է, որ Ռուսաստանը մնում է Երևանի հիմնական առևտրային գործընկերը։
