Երևանի քաղաքապետ Տիգրան Ավինյանն անդրադարձել է ավագանու նիստերում երբեմն լարվածություններին։
«Փողոցային բարքերով խոսող անձինք, որ պատահմամբ հայտնվել են ավագանու կազմում, պարբերաբար ստիպում են իրենց իսկ լեզվով հիշեցնել, թե ինչպիսին է կարգն ու կանոնը»,- ասել է նա։
Քաղաքապետը նշել է, որ իր համար տհաճ է նման կերպ արձագանքելը. «Ես շատ ցավում եմ, որ ստիպված եմ լինում տարին մեկ անգամ նման արձագանք ունենալ, բայց գուցե սա միակ այն լեզուն է, որ փողոցային բարքերով առաջնորդվող մեր գործընկերները հասկանում են։ Ես բացարձակ հաճույք չեմ ստանում նման խոսույթից, դա տհաճ է, և շատ տհաճ է, որ ինքդ էլ ստիպված ես այդպես արձագանքել։ Դա անհրաժեշտ, որոշ դեպքերում՝ անփոխարինելի արձագանք է»,- նշել է քաղաքապետը։
