Չինաստանը կշարունակի ջանքեր գործադրել Թաիլանդի և Կամբոջայի միջև խաղաղությունը վերականգնելու համար և պատրաստ է մարդասիրական օգնություն ցուցաբերել երկու երկրներին։ Ինչպես հաղորդում է չինական Xinhua գործակալությունը, այս մասին դեկտեմբերի 28-ին Չինաստանի Յուննան նահանգի Յուսի քաղաքում Թաիլանդի արտգործնախարար Սիհասակ Ֆուանգկեոուի հետ հանդիպման ժամանակ հայտարարել է Չինաստանի արտաքին գործերի նախարար Վան Ին։
Հրադադարի մասին համաձայնության մասին համատեղ հայտարարության ստորագրումից հետո Կամբոջայի և Թաիլանդի արտաքին գործերի նախարարները գլխավորում են պատվիրակությունները, որոնք չինական կողմի հրավերով դեկտեմբերի 28-29-ը կհանդիպեն Յուննանում։
Վան Ին նշել է, որ որպես երկու երկրների բարեկամ հարևան երկիր՝ Չինաստանը չի ցանկանում տեսնել Թաիլանդը և Կամբոջան պատերազմելիս և հույս ունի, որ երկու երկրները կվերականգնեն իրենց բարիդրացիական հարաբերությունները։
Չինաստանի ԱԳ նախարարը նշել է, որ իրենք պատրաստ են աջակցել ԱՍԵԱՆ-ի դիտորդական առաքելությանը հրադադարի մոնիթորինգի հարցում։
Սիհասակ Ֆուանգկեոուն բարձր է գնահատել Չինաստանի ակտիվ ջանքերը Թաիլանդ-Կամբոջա հակամարտության կարգավորման գործում՝ նշելով, որ Թաիլանդի և Կամբոջայի վերջերս ստորագրած հրադադարի համաձայնագիրը նոր սկիզբ է։
