Ուկրաինայի նախագահ Վոլոդիմիր Զելենսկին հայտարարել է, որ խաղաղության ծրագիրը պետք է ներառի հինգ փաստաթուղթ, որոնցից մի քանիսը կլինեն անվտանգության երաշխիքների վերաբերյալ, այսինքն՝ ԱՄՆ Կոնգրեսի կողմից քվեարկված և հաստատված։
Ուկրաինայի նախագահը հայտարարել է այս մասին՝ պատասխանելով լրագրողների հարցերին։
«Ամերիկացիները ցանկանում են պատերազմի արագ ավարտ։ Մեզ համար որակը կարևոր է։ Եթե արագությունն ու որակը համընկնեն, մենք բոլորս կողմ ենք դրան։ Շատ բան կախված է Ռուսաստանի քաղաքական կամքից, բայց շատ բան կախված է նաև փաստաթղթերի վրա մեր աշխատանքից։ Երբ մենք ավարտենք փաստաթղթերը կամ մոտենանք վերջնական տարբերակին, մենք կհանդիպենք նախագահ Թրամփի հետ»,- ասել է նա։
Ըստ նրա՝ ԱՄՆ ներկայացուցիչները խորհրդակցություններ կանցկացնեն Ռուսաստանի, ապա նախագահ Թրամփի հետ, որից հետո թիմերը մոտ ապագայում կհանդիպեն ԱՄՆ-ում։
«Մենք ո՛չ դե յուրե, ո՛չ էլ դե ֆակտո չենք ճանաչի Դոնբասը, այն մասը, որը ժամանակավորապես օկուպացված է, որպես ռուսական տարածք։
Ես պատրաստ եմ ընտրությունների, և որպեսզի ժողովուրդը պատրաստ լինի, մեզ անհրաժեշտ է օրենսդիրների համագործակցությունը և դրանք անցկացնելու կարողությունը»,- ընդգծել է նա։
Զելենսկին նշել է, որ դեռ խոսք չկա հանրաքվեի մասին և այս պահին փորձ է արվում ուկրաինացիների առանց այդ էլ բարդ կյանքը ավելի չբարդացնելու համար։
«Ուկրաինան աջակցում է Սուրբ Ծննդյան զինադադարի գաղափարին՝ որպես հրադադարի ձևաչափ։ Միացյալ Նահանգները նույնպես աջակցում է այս նախաձեռնությանը։
Ռեսպորատիվ վարկը կամ սառեցված ռուսական ակտիվների օգտագործման ցանկացած ձևաչափ Ուկրաինայի անվտանգության ֆինանսական երաշխիք է։
Խոսքը 150-200 միլիարդ դոլարի կամ ընդհանուր առմամբ 210 միլիարդ դոլարի մասին է։ Այժմ կա երկու հնարավոր սցենար»,- հայտարարել է Ուկրաինայի նախագաը։
Զելենսկի նաև ներկայացրել ռուսական սառեցված ակտիվների քննարկվող երկու տարբերկաները.
Պլան A՝ պատերազմի ավարտ։ Այս դեպքում ստացված միջոցներն ու տրանշերը կօգտագործվեն Ուկրաինայի վերականգնման և վերակառուցման համար։
Պլան B՝ ռուսական ագրեսիայի շարունակություն։ Այս դեպքում Ուկրաինան ակնկալում է տարեկան 40-45 միլիարդ եվրոյի ֆինանսական օգնություն, որը կարող է օգտագործվել Ուկրաինայի զինված ուժերին, պաշտպանական ոլորտին և երկրի անվտանգությանը աջակցելու համար։
«Եթե Պուտինը մերժի խաղաղության ծրագիրը, ԱՄՆ-ն պատժամիջոցներով կճնշի Ռուսաստանին և Ուկրաինային կտրամադրի ավելի շատ զենք»,- հավելել է նա։
