Ադրբեջանական Salam News գործակալության փոխանցմամբ՝ Ադրբեջանի նախագահի աշխատակազմի հասարակական-քաղաքական հարցերի վարչության պետ Ալի Հասանովը լրագրողներին հայտարարել է, որ Ֆրանսիայի նախագահ Նիկոլա Սարկոզիի տարածաշրջանային այցը հնարավորություն կընձեռի Ղարաբաղյան հակամարտության կարգավորումն արագացնելու համար.
«Սարկոզիի տարածաշրջանային այցը կարող է ակտիվացնել Հարավային Կովկասում Ֆրանսիայի դերը։ Ֆրանսիան՝ որպես ԵԱՀԿ Մինսկի խմբի համանախագահող երկիր, հնարավորություն ունի ազդելու այդ գործընթացի վրա։ Այդ իմաստով Սարկոզիի ացը կարող է նպաստել Ղարաբաղյան հակամարտության կարգավորմանը»։
Հասանովը նաև նշել է, որ իրենք համաձայն չեն Հայոց ցեղասպանության ճանաչման և հայ-թուրքական սահմանի վերաբերյալ Հայաստանում Սարկոզիի արած հայտարարությունների հետ։
Հիշեցնենք, որ Սարկոզին արդեն իսկ ժամանել է Ադրբեջան՝ դրանով իսկ դառնալով Ադրբեջանի անկախության 20-ամյակի ընթացքում Ադրբեջան այցելած Ֆրանսիայի առաջին նախագահը։