eMarketer ընկերության հետազոտության տվյալների համաձայն՝ սոցիալական կայքերի գովազդից ստացված ընդհանուր եկամուտները տարվա վերջում կկազմեն 5,54 միլիարդ դոլար, իսկ 2013 թ. այդ ցուցանիշը կկրկնապատկվի: Այս մասին հաղորդում է Вести.Ru-ն: Ստացված եկամտի կեսը բաժին կհասնի Facebook-ին, Twitter-ին և LinkedIn-ին:
Տարիներ անց ԱՄՆ-ից դուրս սոցիալական կայքերի ընդհանուր եկամուտն, ըստ eMarketer-ի, կհասնի 10 մլրդ դոլարի: Դա կկազմի ընդհանուր ցուցանիշի մոտավորապես 51,9%-ը: Դեռ 2008 թ. այս ընկերության մասնագետները կանխատեսել էին, որ ամեն տարի գովազդի շուկան համացանցում կաճի մեկուկես անգամ, և դա այժմ իրականություն է դարձել:
Մասնագետները նշում են հատկապես գործնական կապեր ստեղծելու ասպարեզում LinkedIn սոցիալական կայքի գրանցած հաջողությունները: Կայքի եկամուտն այս տարի կարող է հասնել 140,8 մլն դոլարի:
eMarketer-ը ամերիկյան հետազոտական ընկերություն է, որը մասնագիտանում է համացանցի տենդենցների, համացանց-մարքեթինգի, ավանդական և նոր մեդիաների ուսումնասիրման մեջ:
