«Հնդկաստանի կառավարությունը պատվիրել է աշխարհի առաջին 100 հազար Aakash-(Երկինք) «էժանագին»պլանշետը՝ դպրոցների և քոլեջների համար: Այն արժի մոտավորապես 50 դոլար»,- հաղորդում է РИА Новости-ն:
Aakash նախագծին նվիրված միջոցառումը տեղի է ունեցել չորեքշաբթի օրը՝ Vighyan Bhavan դահլիճում, որտեղ ներկա են եղել կառավարության ներկայացուցիչներ, պլանշետի ստեղծողները, ինչպես նաև՝ հազարավոր ուսանողներ և դպրոցականներ:
Պլանշետի հիմնադիրներն ասում են, որ Aakash-ը կշռում է 350 գրամ և աշխատում է Android 2.2 Froyo օպերացիոն համակարգով: Այն ունի յոթ դյույմանոց սենսորային էկրան՝ 800х480 չափերով: Օպերատիվ հիշողությունը 256 մեգաբայթ է, հիշողության քարտինը՝ 32 գեգաբայթ, ունի երկու USB լար:
Առաջին պլանշետները կլինեն դպրոցներում և բարձրագույն ուսումնական հաստատություններում:
«Հնդկաստանի մարդկային ռեսուրսների կառավարման, կոմունիկացիայի և տեղեկատվական տեխնոլոգիաների նախարար Կապիլ Սիբալը ավելի վաղ հայտարարել էր, որ ամենաէժան պլանշետը կարժենա 35 դոլար:
Սակայն հետագայում կառավարության պատվերի համար գինը կազմել է 2276 հնդկական ռուպի, որը համարժեք է 50 դոլարին»,- ասել է Datawind ընկերության ղեկավարության ներկայացուցիչ Սունեթ Սինղ Թուլին: