Նյու Յորքի գլխավոր դատախազությունը և նահանգի դատախազությունը հայց են ներկայացրել երկրի ամենահին առևտրական բանկի The Bank of New York Mellon-ի դեմ: Ինչպես հաղորդում է Reuters գործակալությունը, երկու առանձին հայցերի ընդհանուր գումարը կազմում է ավելի քան 2 մլրդ դոլար:
Հայցվորները կարծում են, որ ֆինանսական կազմակերպությունը մոլորեցրել է իր հաճախորդներին արժութային շուկայում (Forex) գործարքներ իրականացնելիս: Դատախազության տվյալներով, բանկում հայտարարել են, որ արժույթի փոխանակում կիրականացնեն հաճախորդների համար առավել շահավետ փոխարժեքով, սակայն իրականում, ընդհակառակը, գործարք են իրականացրել այնպիսի փոխարժեքով, որը շահույթ է բերում առաջին հերթին իրենց:
The Bank of New York Mellon-ը կտրականապես հերքում է իր հասցեին հնչած մեղադրանքները: Բանկի ներկայացուցիչը հայտարարել է, որ հայցերը հիմնված են իրադրության ոչ ճիշտ վերլուծության և Forex շուկայի աշխատանքների սկզբունքների չիմացության վրա:
The Bank of New York-ը հիմնվել է 1784թ.: 2006թ. այն վերանվանվել է The Bank of New York Mellon:
