Թուրքական Anadolu գործակալության փոխանցմամբ՝ Թուրքիայի ԱԳՆ-ի խոսնակ Սելչուք Ունալը հերքել է ԶԼՄ-ներում տեղ գտած այն տեղեկատվությունը, որ Թուրքիայի արտգործնախարար Ահմեդ Դավութօղլուի հետ հանդիպման ժամանակ Սիրիայի նախագահ Բաշար Ալ-Ասադը սպառնացել է հրթիռային հարված հասցնել Իսրայելին, եթե ՆԱՏՕ-ին ռազմական միջամտություն գործի իր երկրի նկատմամբ.
«Այդ հաղորդագրությունը չի համապատասխանում իրականությանը։ Վերջին շրջանում Դավութօղլուն ընդհանրապես հանդիպումներ չի ունեցել Ասադի հետ։ Նմանատիպ հայտարարություններ չեն արվել նախորդ հանդիպումներում»։
Հիշեցնենք, որ սրանից առաջ իրանական Fars գործակալությունը հայտնել էր, որ Դավութօղլուի հետ հանդիպման ժամանակ Ասադը խոստացել է զանգվածային հրթիռային հարված հասցնել Իսրայելին.
«Եթե Դամասկոսի դեմ ոչ խելամիտ միջոցներ ձեռնարկվեն, ապա ինձանից կպահանջվի 6 ժամից ոչ ավելի, որպեսզի հարյուրավոր հրթիռներ արձակեմ Հոլանի բարձունքների ու Թել Ավիվի ուղղությամբ»։