Չեխիան ուղղաթիռների խումբ է ուղարկել Լեհաստան՝ անօդաչու թռչող սարքերից պաշտպանության համար

Չեխիան ուղղաթիռների խումբ է ուղարկել Լեհաստան՝ ՆԱՏՕ-ի «Արևելյան պահապան» գործողությանն աջակցելու շրջանակներում: Այս մասին հաղորդել է Չեխիայի պաշտպանության նախարարության մամուլի ծառայությունը։

«Այսօր Լեհաստան են ժամանել երեք ուղղաթիռներ՝ մեր մերձավոր դաշնակցի արևելյան սահմանի օդային տարածքի պաշտպանությունն ուժեղացնելու համար։ Մեր օդաչուները մոտ ժամանակներս ձեռնամուխ կլինեն Լեհաստանի օդային տարածքի պաշտպանությանը», – ասվում է հաղորդագրության մեջ։