Եթե մարդու հետագիծը միայն արյուն է, բարոյականության մասին խոսք լինել չի կարող: Այսօր «Առաջին լրատվականի» հետ զրույցում նման տեսակետ հայտնեց ԱԺ պատգամավոր, «Ժառանգություն» խմբակցության անդամ Անահիտ Բախշյանը` պատասխանելով այն հարցին, թե Ռ. Քոչարյանը քաղաքականություն վերադառնալու բարոյական իրավունք ունի՞:
«Միայն բարոյական մարդն իրավունք ունի վերադառնալ այն գործին, որտեղ ինքը հետք է թողել, այն էլ՝ դրական ու լավ»,- ասաց Ա. Բախշյանը` շարունակելով, որ այնտեղ, որտեղ նրա թողած հետագիծը միայն արյուն է, բարոյականության մասին չենք կարող խոսել:
Նշենք, որ երեկ լրատվամիջոցներում տարածվել էր ԲՀԿ ղեկավար Գագիկ Ծառուկյանի հարցազրույցը, որը նա տվել էր jham.am կայքին: Հարցերից մեկին պատասխանելիս Ծառուկյանն ասել էր, որ Ռ. Քոչարյանն ունի և՛ բարոյական, և՛ քաղաքական իրավունք վերադառնալ քաղաքական դաշտ:
