Ուսուցչի միջազգային օրվա կապակցությամբ, որը նշվելու է հոկտեմբերի 5-ին, ՅՈՒՆԵՍԿՕ-ի վիճակագրական ինստիտուտը հրապարակել է տվյալներ, որ մինչև 2015 թ. աշխարհում կլինի մոտ 2 միլիոն ուսուցիչների պակաս: Դրա մոտ կեսը` 1.115 միլիոն մարդ, բաժին է ընկնում Աֆրիկային` Սահարա անապատից դեպի հարավ: Ուսուցիչների պահանջ ունեն նաև ԱՄՆ-ը, Իսպանիան, Իռլանդիան, Իտալիան և Շվեդիան:
Արաբական երկրներում ուսուցիչների պակասը կազմում է 243 հազար, Հարավային և Արևմտյան Ասիայում` 292 հազար, Հյուսիսային Ամերիկայում և Արևմտյան Եվրոպայում` 155 հազար մարդ: Ընդհանուր առմամբ, 2009-2015 թթ. դպրոցներում բոլոր պահանջները բավարարելու համար անհրաժեշտ է 6.1 միլիոն ուսուցիչ: Գենդերային բաժանման տեսակետից` կին ուսուցիչները 62% են, իսկ տարրական դասարանների ուսուցիչների մեջ կանանց թիվը գերազանցում է 90%-ը:
