CNN Türk-ի փոխանցմամբ՝ թուրքական ոստիկանությունն այս առավոտ Ստամբուլում իրականացրած համաժամանակյա գործողությունների արդյունքում ձերբակալել է միանգամից 80 մարդու։ Վերջիններս կասկածվում են Թուրքիայում ահաբեկչկան հռչակված և արգելված Քրդստանի աշխատավորական կուսակցությանը (PKK) համակրելու մեջ։ Նրանց ձերբակալման գործողություններին մասնակցել են նաև ոստիկանության հատուկջոկատայինները։
Հիշեցնենք, որ սեպտեմբերի վերջին Թուրքիայի բոլոր 81 նահանգներում կարմիր (ահաբեկչական) ահազանգ էր հնչեցվել՝ կապված Թուրքիայում PKK-ի պլանավորած առաջիկա գործողությունների հետ։ Հետախուզության ստացած տվյալներով՝ PKK-ն ռումբերով զինված 40 մարդ էր գործուղել Թուրքիա՝ պայթեցումներ իրականացնելու։ Նախապես այդ անձինք համապատասխան պատրաստություն են անցել Հյուսիսային Իրաքում գտնվող PKK-ի ճամբարներում։
Այժմ նրանց թիրախում են գտնվում երկրի խոշորագույն քաղաքները՝ Ստամբուլը, Անկարան, Իզմիրը, Ադանան և Անթալիան։
