Կանայք դարեր շարունակ համարվել են «թույլ սեռ»: Սակայն գենետիկորեն նրանք ավելի լավ են պաշտպանված վարակներից և քաղցկեղից: Այս մասին հայտարարել են բելգիացի գիտնականները` անցկացնելով համապատասխան հետազոտություններ:
Կանանց իմունային համակարգը տարբերվում է տղամարդու իմունային համակարգից: Գենտի համալսարանի դոկտոր Կլոդ Լիբերը կարծում է, որ տղամարդկանց մոտ գոյություն ունի միայն մեկ X քրոմոսոմ, մինչդեռ կանանց մոտ դրանք երկուսն են: Այն դեպքում, երբ իմունային գեներն ակտիվացնում են դրանցից մեկը, ապա մեկը կարող է կոմպենսացնել մյուսին: «Վիճակագրությունը ցույց է տալիս, որ մարդկանց մոտ, ինչպես և կաթնասունների մոտ, կանայք ավելի երկար են ապրում, քան տղամարդիկ, և ունեն ավելի մեծ հնարավորություններ դիմակայելու վարակներին ու վնասվածքներին»,- ասել է Լիբերը:
Բժիշկները կարծում են, որ կանանց մոտ երկրորդ քրոմոսոմի առավելությունը պայմանավորված է տեսակի վերարտադրության մեջ ունեցած ավելի մեծ դերակատարությամբ: Հետազոտության արդյունքները հրապարակվել են Bio Essays ամսագրում։
