Ամերիկյան Fox News հեռուստաընկերության հաղորդմամբ՝ Իրանում ձերբակալված ամերիկացի երեք երիտասարդների փաստաբան Մասուդ Շաֆիին արգելվել է թողնել երկիրը:
Լուրը հաղորդող աղբյուրը, որը բացահայտվել չի ցանկացել, հայտնել է, որ երբ Մասուդ Շաֆիին գնացել է դեպի իր ուղևորատար ինքնաթիռը, նրա անցագիրը բռնագրավվել է, և նրան արգելել են լքել Իրանի տարածքը:
Հաղորդված լուրերի համաձայն՝ ամերիկացի երիտասարդների փաստաբանը ուղևորվում էր ԱՄՆ: Իրանի անվտանգության ծառայությունները Մասուդ Շաշիին օրեր առաջ ձերբակալել և հարցաքննել էին:
Հիշեցնենք, որ երկու տարի առաջ ամերիկացի երեք երիտասարդներ Իրանի տարածքը հատելու մեղադրանքով ձերբակալվել էին Իրան-Իրաք սահմանին ու պահվում էին իրանական բանտում: