«Բրիտանական Hermitage Capital ընկերության իրավաբան Սերգեյ Մագնիտսկիի գործի հետ կապ ունեցող ռուս 60 պաշտոնական անձանց մուտքը Մեծ Բրիտանիա արգելված է»,- հայտնում է Guardian-ը` հղում անելով ներգաղթյալների հարցով պատասխանատու ստորաբաժանման աղբյուրներին:
Հիշեցնենք, որ Մագնիտսկին մեղադրվում էր հարկերի վճարումներից խուսափելու մեջ: Նա մահացել է Մոսկվայի մեկուսարաններից մեկում՝ 2009 թվականի նոյեմբերին:
Մեծ Բրիտանիայի վարչապետ Դևիդ Քեմերոնը այս թեման բարձրացրել էր անցած ամիս՝ Մոսկվա կատարած իր այցի ժամանակ: Այդ գործիչների անունները չեն հրապարակվում` հաշվի առնելով երկու երկրների միջև հաստատված լավ հարաբերությունները:
Սեպտեմբերին ամերկացի սենատոր Ջո Մաքքեյնը և Բեն Քարդինը Դևիդ Քեմերոնին կոչ արեցին ԱՄՆ-ի օրինակով սանկցիաներ կիրառել այսպես կոչված «Մագնիտսկի» ցուցակի ներկայացուցիչների նկատմամբ: Նախկինում արգելված էր ԱՄՆ մուտք գործել այն մարդկանց, ովքեր Վաշինգտոնի կողմից մեղադրվում էին մարդու իրավունքների ոտնահարման մեջ: Նրանց ցուցակում ժամանակին եղել են նաև «Մագնիտսկի»-ի որոշ դեմքեր: