Հաիթիում խոլերայի համաճարակի զոհերի թիվը հասել է 6435-ի, ընդ որում՝ մայրաքաղաք Պորտ-օ-Պրենսում զոհվել է 221 մարդ: Այս մասին հաղորդում է РИА Новости-ն` վկայակոչելով երկրի առողջապահության նախարարությունը: Իշխանությունների տվյալներով, սակայն, համաճարակի տարածման տեմպերը նվազում են:
Հարևան Դոմինիկյան Հանրապետությունում համաճարակին զոհ է գնացել 135 մարդ:
Խոլերայի համաճարակը Հաիթիում սկսվել է 2010 թ. հոկտեմբերին: Տեղի բնակիչների տվյալներով, համաճարակի տարածման պատճառը եղել է նեպալցի խաղաղապահների բազան, որոնք աղբը առանց որևէ մշակման թափել են մոտակա գետը:
