«Wildberries և Russ» միավորված ընկերությունը բացահայտել է օգտատերերին խաբելու նոր սխեմա․ չարագործները հաղորդագրությունների միջոցով վնասակար ֆայլեր են ուղարկում՝ սմարթֆոններում հեռակա հասանելիության ծրագիր տեղադրելու նպատակով. այս մասին ՏԱՍՍ-ին հայտնել է ընկերության մամուլի ծառայությունը։
Ըստ ընկերության, խարդախ սխեման աշխատում է հետևյալ կերպ. հանցագործները մեսենջերների միջոցով օգտատերերին ուղարկում են ֆայլեր, որոնք թվում են որպես լուսանկարներով արխիվ (օրինակ, «Տես՝ սա դու՞ ես լուսանկարում» գրությամբ): Սակայն այդ ֆայլերում թաքնված է վնասակար ծրագրային ապահովում, որն օգտագործողը տեղադրելուց հետո չարագործներին լիարժեք վերահսկողություն է տալիս իր հեռախոսի նկատմամբ։
Սրանով սմարթֆոնի միջոցով խաբված օգտատիրոջ հաշվին մուտք գործելով՝ հանցագործները գնումներ են կատարում Wildberries հարթակից։ Ըստ ընկերության, նման հարձակումների թիվը 2025թ․ առաջին եռամսյակում զգալիորեն աճել է, սակայն անվտանգության համակարգի շնորհիվ նյութական վնաս չի հասցվել։
Wildberries-ը կանխել է այս փորձերն իր երկու մակարդակի անվտանգության համակարգի շնորհիվ։ Առաջին փուլում գործարքները վերլուծվում են արհեստական բանականությամբ՝ կասկածելի ակտիվության դեպքում դրանք արգելափակելու համար։ Եթե գործարքը ավելի բարդ է, ապա գործին միանում են ընկերության անվտանգության մասնագետները։ Արդյունքում՝ 99.9% խաբեությամբ կատարված գնումները չեղարկվել են, իսկ ավելի քան 15 մլն ռուբլու հափշտակման փորձը՝ կանխվել։
