Այսօր Հայաստանում պաշտոնապես նշվեց զբոսաշրջության միջազգային օրը: «Գոլդեն թուլիփ Երևան» հյուրանոցում Հայաստանի անկախության 20-ամյակի և զբոսաշրջության միջազգային օրվա կապակցությամբ տեղի է ունեցել հանդիսավոր արարողություն:
Հանդիսավոր արարողությանը ներկա են եղել ՀՀ վարչապետ Տիգրան Սարգսյանը, էկոնոմիկայի նախարար Տիգրան Դավթյանը:
Միջոցառման ընթացքում վարչապետի և էկոնոմիկայի նախարարի կողմից ոլորտի մի շարք ներկայացուցիչների զբոսաշրջության բնագավառում ներդրած ավանդի համար հանձնվել են մեդալներ, շնորհակալագրեր, պարգևներ:
