Էստոնիայի նախագահ Ալար Կարիսը երկրի պաշտպանության խորհրդի նիստում հաստատել է պաշտպանության ոլորտին ՀՆԱ-ի 5 տոկոսը հատկացնելու ծրագրի փուլի մեկնարկը։ Այս մասին հայտնում է էստոնական ազգային հեռուստառադիոընկերությունը:
«Հիմնականում ուշադրություն է դարձվելու հակաօդային պաշտպանության միջոցների ու զինամթերքի համալրմանը, ինչպես նաև կրակային հզորության ապահովմանը: Քննարկվել է նաև այդ զենքի և զինամթերքի հնարավորինս արագ առաքման ապահովումը»,- նշել է նախագահ Կարիսը։
Էստոնիայի վարչապետ Քրիստեն Միխալն այս տարվա մարտին հայտարարել էր, որ կառավարությունը հավանություն է տվել 2026 թվականին պաշտպանական ծախսերի ավելացմանը առնվազն ՀՆԱ-ի 5 տոկոսի չափով:
