ԱՄՆ նախագահ Դոնալդ Թրամփը կարծում է, որ Ռուսաստանի նախագահ Վլադիմիր Պուտինը կկատարի Ուկրաինայում հրադադարի մասին «գործարքի իր մասը»՝ դադարեցնելու պատերազմն Ուկրաինայում։ ԱՄՆ նախագահը կրկին հայտարարել է, որ անհրաժեշտության դեպքում ինքը երկրորդական մաքսատուրքեր կսահմանի ռուսական նավթի վրա։
«Ես ուզում եմ տեսնել, որ նա գործարք կնքի, որպեսզի մենք կանգնեցնենք ռուս զինվորների, ուկրաինացի զինվորների և այլ մարդկանց սպանությունները», – ասել է Թրամփը այսօր Օվալաձև աշխատասենյակում:
«Ես ուզում եմ համոզվել, որ նա կհետևի, և կարծում եմ, որ նա կանի: Ես չեմ ուզում երկրորդական մաքսատուրքեր սահմանել նրանց նավթի վրա: Բայց կարծում եմ, գիտեք, դա մի բան է, որ ես կանեի, եթե մտածեի, որ նա չի անում այդ աշխատանքը: Ես դա արեցի Վենեսուելայի հետ»,- հայտարարել է Թրամփը։
