Reebok ընկերությունը, որը պատկանում է մեկ այլ հսկայի` Adidas-ին, 25 միլիոն դոլար տուգանք կմուծի այն բանի համար, որ գովազդում նշել է, թե իր նոր տեսակի սպորտային կոշիկներն ավելի դրական ազդեցություն են ունենում ոտքերի մկանների վրա, քան սպորտային ապրանքներ արտադրող այլ ընկերությունների կոշիկները:
Ինչպես գրում է The Wall Street Journal-ը, նման որոշում կայացրել է ԱՄՆ Առևտրային դաշնային հանձնաժողովը:
Ընկերությունը, սակայն, այս որոշման հետ համաձայն չէ: «Առևտրային դաշնային ծառայության որոշման հետ մենք համամիտ չենք»,- պաշտոնապես հայտարարել է Reebok-ը: Reebok-ում նշել են նաև, որ իրենք պաշտպանելու են իրենց Easy Tone ապրանքանիշի իրավունքները և շարունակելու են վաճառել նոր տեսակի կոշիկները` փոխելով մարքեթինգի ռազմավարությունը:
