Reuters-ի տեղեկատվությամբ՝ ԱՄՆ ռազմական ինքնաթիռը միգրանտներ է տեղափոխում Հնդկաստան։ Սա Թրամփի վարչակազմի կողմից միգրանտների արտաքսման համար կազմակերպված թռիչքների ամենահեռավոր ուղղությունն է։
Նախագահ Դոնալդ Թրամփը վերջին ժամանակներում ավելի հաճախ է օգտագործում ռազմական ուժերը՝ իր ներգաղթային քաղաքականությունն իրականացնելու համար։
Անանուն աղբյուրի վկայությամբ՝ C-17 տիպի ռազմական ինքնաթիռը միգրանտներով ուղևորվել է Հնդկաստան, սակայն այնտեղ կհասնի ոչ շուտ, քան 24 ժամից։
Միաժամանակ, Պենտագոնը սկսել է թռիչքներ կազմակերպել ԱՄՆ-ում ձերբակալված 5,000-ից ավելի միգրանտների տեղափոխման համար։
Մինչ օրս ռազմական ինքնաթիռներն օգտագործվել են միգրանտներին Գվատեմալա, Պերու և Հոնդուրաս տեղափոխելու համար։
Միգրանտների տեղափոխման այս մեթոդը բարձր ծախսեր է պահանջում։ Reuters-ի տվյալներով՝ անցած շաբաթ Գվատեմալա կատարված ռազմական թռիչքի արժեքը մեկ միգրանտի համար կազմել է առնվազն 4,675 ԱՄՆ դոլար։
