ՕՊԵԿ+ ալյանսի երկրների նախարարների մոնիթորինգային կոմիտեն, որի համանախագահներն են Ռուսաստանը և Սաուդյան Արաբիան, որոշել է չփոխել նավթի արդյունահանման ներկայիս քաղաքականությունը: Այս մասին նշվում է կազմակերպության տարածած մամուլի հաղորդագրությունում:
Հանդիպման մասնակիցները կարևորել են գործարքի ընթացիկ չափանիշներին լիարժեք համապատասխանությանը հասնելը, ինչպես նաև մի շարք երկրներում նավթի արդյունահանման լրացուցիչ կամավոր կրճատումների ժամանակահատվածում գերարտադրության փոխհատուցման ժամանակացույցերի իրականացումը։
ՕՊԵԿ+-ի երկրների նախարարները նաև նշել են, որ կամավոր կրճատման պլանի հստակեցումը (արդյունահանման աստիճանական աճի հետաձգումը մինչև ապրիլի 1-ը) ապահովել է նավթի համաշխարհային շուկայի կայունությունը:
Մոնիթորինգի հանձնաժողովի նիստի մասնակիցները ևս մեկ անգամ հաստատել են իրենց հավատարմությունը գործարքին, որն ուժի մեջ է լինելու մինչև 2026 թվականի վերջը։
Կառույցի հաջորդ նիստը նախատեսված է ապրիլի 5-ին։
