Փորձեցինք պարզել, թե մինչև 1999 թվականը տեղի ունեցած ՀՀ ԱԺ և նախագահական ընտրությունների վերաբերյալ ՀՀ ԿԸՀ-ում չպահպանված փաստաթղթերը արդյո՞ք Ազգային արխիվում էլ չեն պահպանվել։ Ազգային արխիվի տնօրեն Ամատունի Վիրաբյանը մեզ հետ զրույցում նշեց, որ ամփոփիչ բոլոր փաստաթղթերն էլ պահպանված են: «Ինչպե՞ս չի պահպանվել: Բոլոր ընտրությունների ամփոփիչ փաստաթղթերն էլ կան»,- հաստատեց Ա. Վիրաբյանը:
Հիշեցենք, որ ԿԸՀ անդամ Տաթևիկ Օհանյանը ասել էր, թե ԿԸՀ-ում առկա են միայն 1999-ից հետո տեղի ունեցած ընտրությունների վերաբերյալ տվյալները: Ըստ վերջինիս` ԿԸՀ-ում չի պահպանվել ոչ մի փաստաթուղթ, որի հիման վրա հնարավոր լինի պարզել, թե 1998-ի նախագահական ընտրություններում ընտրական ցուցակներում քանի ընտրող է եղել, և նրանցից քանիսն է քվեարկել: Ի դեպ, հենց այս ընտրություններում Ռոբերտ Քոչարյանը զբաղեցրել էր նախագահի պաշտոնը։
