Իսպանական Կանարյան կղզիներում գտնվող աշխարհագրական ինստիտուտի տնօրեն Խոսե Բլանկոն հայտարարել է, որ առաջիկա օրերին այդտեղ կարող է տեղի ունենալ ուժեղ երկրաշարժ և հրաբխի ժայթքում: Բլանկոյի տեղեկություններով` Ալ-Հիերո կղզում, որն այդ կղզիախմբի ամենափոքր կղզին է, հուլիսի 19-ից գրանցվել է ավելի քան 8 հազար ցնցում և մի քանի թույլ երկրաշարժ:
Բլանկոյի կարծիքով` դա վկայում է մագմայի հզոր շարժի մասին, որը ձգտում է դեպի Երկրի մակերես: Այս կղզում կա մեծ հրաբուխ և մոտ 250 խառնարաններ: Իշխանությունները հույս ունեն, որ իրենք բավարար ժամանակ կունենան ավելի քան 10 հազար բնակչի տարհանելու համար: Էլ-Հիերո կղզում վերջին հզոր երկրաշարժը տեղի է ունեցել 1973թ.:
