Մեկնաբանելով Թուրքիայի նախարարների խորհրդի` շաբաթներ առաջ օրենսդիր մարմնի կողմից չեղյալ հայտարարված հայ-թուրքական արձանագրությունները խորհրդարան վերադարձնելու փաստը՝ թուրքագետ Արտակ Շաքարյանը «Առաջին լրատվական»-ի հետ զրույցում շեշտեց, որ այդ քայլով Թուրքիան ուժեղացրեց իր դիրքերը:
«Եթե մենք նախկինում կարող էինք ասել, որ Թուրքիան հրաժարվում է հայ-թուրքական արձանագրություններից, որ գործընթացը մեռած է, վերջինս, արձանագրությունները խորհրդարան հետ բերելով, ի լուր աշխարհի կարող է հանգիստ ասել, որ հավատարիմ է արձանագրություններին»,- նկատեց թուրքագետը:
Նա շեշտեց, որ Թուրքիան հայ-թուրքական արձանագրություններում ուժեղացրեց իր դիրքերը, և մեզ համար ավելի շահավետ կլիներ, որ չվերադարձներ դրանք խորհրդարան: «Հայկական կողմի հետքայլը այդքան հեշտ ընկալելի չի լինի միջազգային հանրության կողմից»,- նշեց Ա. Շաքարյանը:
