Եվրախորհրդարանը Բրյուսելում կայացած նստաշրջանում ընդունել է բանաձև, որը կոչ է անում ավելի թիրախավորված միջոցներ ձեռնարկել Ռուսաստանի «ստվերային նավատորմի» դեմ, որի միջոցով նավթ է արտահանվում այլ երկրներ՝ չնայած ԵՄ-ի և G7-ի պատժամիջոցներին։
Եվրախորհրդարանի կայքում հրապարակված փաստաթղթում նաև նշվում է, որ Խորհրդարանը պահանջում է պարբերաբար պատժամիջոցներ սահմանել ԵՄ-ի ջրերով նավարկող այն նավերի նկատմամբ, որոնք չունեն ապահովագրություն։ Բացի այդ, փաստաթղթով կոչ է արվում ընդլայնել վերահսկողության մեխանիզմները, հատկապես՝ անօդաչուներով և արբանյակներով մոնիթորինգը, ինչպես նաև կատարել ծովում թիրախավորված ստուգումներ։
Բացի այդ, բանաձևով Մեծ յոթնյակի երկրներին կոչ է արվում ավելի լավ պարտադրել Ռուսաստանի՝ ծովից արդյունահանված նավի նկատմամբ առավելագույն գնի շեմը, զգալիորեն նվազեցնել ռուսական նավթի գնի առավելագույն շեմը և վերացնել այն բացերը, որոնք, ենթադրաբար, «Ռուսաստանն օգտագործում է իր նավթը և նավթային արտադրանքը վերափաթեթավորելու և շուկայական գնով վաճառելու համար»։
Բացի այդ, փաստաթուղթն ընդգծում է, որ ԵՄ-ն պետք է լրջորեն վերագնահատի իր երկկողմ համագործակցությունը երրորդ երկրների հետ, որոնք Ռուսաստանին օգնում են շրջանցել ԵՄ գործող պատժամիջոցները, եթե դիվանագիտական ջանքերը հաջողությամբ չպսակվեն։
