«Կրոնական կազմակերպությունների մասին» օրենքը կընդունվեր նույնիսկ այն դեպքում, եթե 100 000 մարդ դուրս գար փողոց։ Վրացական «Հատուկ ռեպորտաժ» հաղորդմանն ասել է Վրաստանի նախագահ Միխեիլ Սաակաշվիլին։
«Նրանք, ովքեր աղմկում են խորհրդային ժամանակների դասական մնացուկներն են… Դավիդ Ագմաշենեբելին այցելում էր սինագոգ, մզկիթ, քրիստոնեական եկեղեցի, հայկական եկեղեցի։ Թամարա թագուհու ընտանիքի մեծ մասը էթնիկ վրացիներ չեն։ Մենք մեծ գործիչներ ենք ունեցել, որոնց մայրը կամ հայրը էթնիկ հայեր են եղել, կամ այլ ազգերի ներկայացուցիչներ»,– ասել է Սաակաշվիլին։
Ըստ Վրաստանի նախագահի, Վրաստանը մեծ քաղաքակրթությամբ երկիր է։ «Հայկական հեռուստաընկերություններից մեկի ներկայացուցիչները եկել էին ինձ հետ հարցազրույցի։ Նրանք ասացին, թե տեղյակ են իմ հայկական ծագման մասին, և որ կաշկանդվում են, որ ես կարող եմ բարդութավորվել դրանից։ Ես նրանց պատասխանեցի՝ ինձ համար մեծ պատիվ կլիներ հայ լինել։ Միակ խնդիրն այն է, որ ես հայ չեմ»,– ասել է Սաակաշվիլին։
