Այս տարի ձմռանը խնձորի գինը բարձր կլինի: «Առաջին լրատվականի» հետ զրույցում նման կանխատեսում արեց գյուղատնտեսության մասնագետ Գագիկ Մանուչարյանը:
«Հիմա արդեն շուկայում խնձորի գինը բարձր է: 2-3 տարի առաջ ժողովուրդը ձմռանը Նոր տարվա համար գոլդեն, կրիպսոն, դելիշյե տեսակի խնձոր գնում էր ընդամենը 300 դրամով, իսկ այսօր կրկնակի է»,- նշեց Գ.Մանուչարյանը:
Մասնագետի գնահատականով՝ խաղողի գինը մոտավորապես համարժեք կլինի անցած տարվա գնին, քանի որ անցած տարվա ծավալով բերք է սպասվում: Բայց հնարավոր է, որ խաղողը և մյուս մրգերը օրինակ վերցնեն խնձորից և նույնպես թանկանան, քանի որ մի մրգի գինը բարձր լինելը մեխանիկորեն ազդում է ընդհանուր շուկայի վրա:
