Լիբիայի նոր իշխանությունները հայտարարել են, որ Լիբիայի նախկին առաջնորդ Մուամար Քադաֆիի կողմից կռվողների մեջ կան նաև Ռուսաստանից ժամանած վարձկաններ: Այս մասին ասել է ՄԱԿ-ի Գլխավոր ասամբլեայի 66-րդ նստաշրջանին մասնակցելու համար Նյու Յորք ժամանած Լիբիայի Ազգային անցումային խորհրդի նախագահ Մահմուդ Ջիբրիիլը:
Մամուլի ասուլիսի ժամանակ Ջիբրիիլը շեշտել է, որ վարձկաններ կան շատ վայրերից` Աֆրիկայից, արաբական երկրներից, Սերբիայից, Ռուսաստանից, Ուկրաինայից: «Քադաֆին դեռ շատ փող ունի, նա կարողացել է գնել մարդկանց որպես վարձկաններ»,- ասել է Լիբիայի ժամանակավոր կառավարության ղեկավարը: Վարձկանների մասին տեղեկությունները նախկինում էլ են հայտնվել մամուլի էջերում:
