«Ժողովուրդ ջան, անցյալ շաբաթ տոնական շաբաթ էր: Այս իշխանությունները այդ տոնի մեջ իրենց հեռուստատեսությամբ մեզ վրա հոգեբանական գրոհ էին կազմակերպել: Ելույթներ էին թափվում մեր գլխին, շքանշաններ և կոչումներ էին բաժանվում, բոլորին հրավիրում- ցույց էին տալիս, որ իրենք արդար են: Ժողովուրդ ջան, մեղքս եկան, բայց չհավատացրին, որովհետև կեղծ էր այդ ամեն ինչը: Այդ ամնի կուլմինացիան դարձավ Հանրապետության հրապարակում կազմակերպված շքերթը, որտեղ պնդում էին, որ Հայաստանը դու ես, որ Հայաստանը մենք ենք. դա մենք լավ գիտենք, թող բացատրեն Հանրապետության հրապարակ մտնող ռուսական զինվորին:
«Հանրապետություն» կուսակցության առաջնորդ Արամ Սարգսյանը նշեց, որ շքերթում քայլող զինվորները շատ լավ քայլեցին: Լավ քայլեցին, որովհետև նրանք մեր երեխաներն են, իրենք ամեն ինչ էլ լավ են անում, դա իրենց երեխաները չեն, որովհետև իրենց երեխաները մանուկ հասակից վարում են, չեն քայլում: Ըստ Սարգսյանի՝ զինտեխնիկան ու սպառազինությունը, այո, Ադրբեջանից ավել էր, որովհետև այն մեր ժողովուրդն է գնել. «Ձեր աշխատանքով, ձեր տան ապրուստով: Եթե մեր բարեկամը օտարին չվաճառի դա, միայն մենք կունենանք: Սարգսյանը շնորհավորեց նաև Մատենադարանի նոր մասնաշենքի կապակցությամբ, բայց «Հայլուրն» այնպես ներկայացրեց՝ կարծես Մատենադարանի շինարարության փողը Սերժ Սարգսյանի ծնողներն են ժառանգել նրան: Մատենադարանի գումարները մեր ժողովրդից է գումարվել: Մեսչյանը շատ սիրուն է արել,- տաղանդավոր մարդը տաղանդավոր է մնոմ,- բայց Մատենադարանը մեր բոլորինն է, որ այս իշխանությունները քիչ լափեն այդ գումարները, կարող ենք գրադարաններ էլ կառուցել:
Այնպես որ, ժողովուրդ ջան, ճիշտ ենք անում, որ չենք հավատում այս իշխանություններին: Իշխանություններին մեր մեկնած ձեռքը մերժվեց, ամեն ինչ արեցինք, որ իրենց դարձի բերենք, բայց իրենք դա չհասկացան: Մենք ընդդիմություն ենք, ժողովուրդ ջան, լավին լավ ենք ասում, վատին վատ ենք ասում։ Մենք աբիժնիկ չենք, աբիժնիկն իրենք են, որ նեղացել են էս ժողովրդից»,- հայտարարեց «Հանրապետություն» կուսակցության առաջնորդը:
«Այն քայլերը, որ մենք պետք է անենք, ես կոչում եմ ճշգրիտ քայլերի հաջորդականություն, որը մենք արդեն սկսել ենք նախորդ հանրահավաքից, երբ առաջին նախագահը հայտարարեց «սկսել ա»»,- ասաց Արամ Սարգսյանը:
