Ծխախոտի օգտագործումը հանգեցնում է հիշողության մասնակի կորստի: Այսպիսի եզրակացության են եկել Նյուքասլի համալսարանի բրիտանացի գիտնականները: Նրանք պարզել են, որ բոլոր նրանց մոտ, ովքեր հրաժարվել են ծխախոտից, վերադարձել է տեղեկություններ հիշելու ունակությունն այնպես, ինչպես դա չծխողների մոտ է:
Թեստին մասնակցել են 70 կամավորներ` 27 ծխող, 18 նախկին ծխողներ և 24 երբևէ ծխած 18-25 տարեկան տղամարդ և կին: Փորձն անցկացնելու համար կամավորներին առաջարկվել է շրջել համալսարանի կամպուսում և փորձել հիշել որոշակի իրեր որոշակի վայրերում: Փորձի ղեկավար Թոմ Հեֆերնանի խոսքերով` ծխողների 59%-ը վատ են կատարել առաջադրանքը: Նրանք հիշել են տեղեկությունների 59%-ը, մինչդեռ ծխելուց հրաժարվողներն առաջադրանքը կատարել են 74%-ով, իսկ չծխողները` 81%-ով:
Գիտնականները նշել են, թե իրենք կանխատեսում էին, որ ծխելուց հրաժարվելը լավ ազդեցություն է ունենում ուղեղի վրա, սակայն չէին պատկերացրել, որ այդ գործընթացն այդքան արդյունավետ է: Առաջիկայում փորձեր են կատարվելու` պարզելու համար ծխախոտի ազդեցությունը պասսիվ ծխողների վրա:
