ԱՄՆ-ի, Եվրամիության և Իսրայելի պատվիրակությունները լքել են ՄԱԿ-ի Գլխավոր ասամբելայի դահլիճն այն ժամանակ, երբ ամբիոնին է մոտեցել Իրանի նախագահ Մահմուդ Ահմադինեժադը: Այս մասին հաղորդում է BBC-ն:
Ելույթում Իրանի նախագահը հերթական անգամ սուր քննադատության է ենթարկել Արևմուտքին` մեղադրելով ԱՄՆ-ին և դաշնակիցներին ամբողջ աշխարհում պատերազմներ հրահրելու, թմրաբիզնեսի ծավալման, զանգվածային սպանությունների, այլ ժողովուրդներին ուծացնելու, ինչպես նաև ֆինանսական ճգնաժամ կազմակերպելու մեջ: Նա հավելել է, որ «ինքնահավան արևմտյան տերությունները սպառնում են բոլոր նրանց, ովքեր հերքում են Հոլոքոստն ու սեպտեմբերի 11-ի հարձակումներն ԱՄՆ վրա»:
