«ԱԳ նախկին նախարար Վարդան Օսկանյանը թե ինչ նկատի ուներ իր վերջին հարցազրույցով՝ ես չեմ կարող և ցանկություն էլ չունեմ մեկնաբանել»,- մեզ հետ զրույցում նշեց ԱԺ ՀՀԿ-ական պատգամավոր Հովհաննես Սահակյանը՝ անդրադառնալով Վարդան Օսկանյանի վերջին հարցազրույցում Քոչարյանի ԱԺ ընտրություններում «ներգրավվելու» հնարավորությանը:
Մեր այն հարցին, որ եթե ամեն դեպքում նման բան լինի՝ ո՞ր կուսակցություններն ու գործիչները կարող են որպես հենարան ծառայել Քոչարյանի համար, Հովհաննես Սահակյանը պատասխանեց. «Ես հիշեցենեմ Ռոբերտ Քոչարյանի այն խոսքերը, որ՝ եթե ես վերադառնալու լինեմ մեծ քաղաքականություն, ապա այդ մասին հրապարակավ կհայտարարեմ»:
Իսկ չի՞ բացառվում, որ Վարդան Օսկանյանի հայտարարությունը նրա կողմից ուղարկված մեսիջ է՝ ասաց. «Քանի դեռ անձամբ Ռոբերտ Քոչարյանը չի հայտարարել այն մասին, որ ինքը գալու է և մասնակցելու ընտրություններին, ապա բոլոր մեկնաբանությունները, պարզաբանումները և քննարկումները, իմ կարծիքով, մի փոքր ոչ տեղին գործ են: Իսկ եթե Քոչարյանը հայտարարություն անի, արդեն իսկ պարզ կդառնա, թե որ քաղաքական ուժի հետ կմասնակցի, ինչ ձևով, ինչ ֆորմատով և այլն, և այլն: Դա թողնենք հետագա մեկնաբանությունների և վերլուծությունների համար»:
