ՀՀ ԶԻՆՎՈՐԱԿԱՆ ԿՈՄԻՍԱՐ,
ԳԵՆԵՐԱԼ-ՄԱՅՈՐ Ս. Ռ. ՉԱԼՅԱՆԻՆ
Հարգելի պարոն Չալյան,
Քաղաքացի Վարդանուշ Վարդանյանը (հասցե` ք. Էջմիածին, Արագածի զանգված, թիվ 14 շենք, բն.8) ՀՀ մարդու իրավունքների պաշտ¬պանին հասցեագրած դիմումով հայտնել է, որ իր որդին` Գոռ Գագիկի Վարդանյանը (ծնված 23.09.1989 թ.) 2007 թ. Էջմիածնի զինկոմիսարիատում անցել է բժշկական հետազոտում, բաց կծվածք, ծամողական ֆունկցիայի արտահայտված խախտում ախտորոշմամբ, որի արդյունքում վերջինիս պարտադիր զինվորական ծառայության զորակոչից տրվել է երեք տարի տարկետում` մինչև 13.11.2010 թ.: Դիմումատուի պնդմամբ, սույն թվականի նոյեմբերին հերթական բժշկական հետազոտման արդյունքում իր որդու մոտ հաստատվել է նույն ախտորոշումը, ավելին` որդու ատամների վիճակն ավելի է վատացել, և այս ընթացքում նշանակված բոլոր բուժումները արդյունք չեն տվել, սակայն բժշկական հանձնաժողովը, հաշվի չառնելով որդու հիվանդությունը, նրան ճանաչել է պիտանի զին. ծառայության համար և տվել 03.12.2010 թ. բանակ զորակոչվելու մեկնման ծանուցագիր:
Ըստ դիմումատուի, նրա որդին պիտանի չէ զինվորական ծառայության, քանի որ նրա առողջական վիճակը գնալով վատթարանում է, և խնդրել է պաշտպանի միջամտությունը կրկնակի բուժ. հետազոտության ուղարկելու համար:
Ելնելով վերոգրյալից և ղեկավարվելով «Մարդու իրավունքների պաշտպանի մա¬սին» օրենքի 12-րդ հոդվածի դրույթներով`առաջարկում եմ հանձնարարել անցկացնելու մանրակրկիտ բժշկական հետազոտում` ՀՀ Զինված ուժերում Գոռ Գագիկի Վարդանյանի ծառայության պիտանելիության հարցը որոշելու համար:
Խնդրում եմ արդյունքների մասին հայտնել ինձ հնարավորինս սեղմ ժամկետներում:
Հարգանքով` Ա. Հ Ա Ր ՈՒ Թ Յ ՈՒ Ն Յ Ա Ն
