Ղրղզստանի իշխանությունները որոշում են կայացրել` դադարեցնել բոլոր օտարերկրյա հեռուստաալիքների հեռարձակումը երկրի տարածքում: Այս ցանկում են հայտնվել ռուսաստանյան բոլոր հեռուստաալիքները, ինչես նաև BBC-ն, CNN-ը, Euronews-ը և այլն: Այս մասին հաղորդում է RIA-Novosti գործակալությունը:
Իշխանությունների համար նման որոշման առիթ է հանդիսացել նախագահական ընտրությունների քարոզարշավի մեկնարկը, որը սկսվում է սեպտեմբերի 25-ին: Հեռուստաալիքները փակելով` տեղի իշխանությունները նպատակ ունեն կանխել այլ երկրների հեռուստաալիքների` քարոզարշավին միջամտելու փորձը: Տեղի փորձագետները նշում են, որ հատկապես ռուսաստանյան հեռուստաալիքների կողմից որոշ թեկնածուների նկատմամբ առկա է կողմնապահություն:
Բացի այդ, Ղրղզստանում մտցվել է մեկ այլ սահմանափակում: Նախագահի բոլոր թեկնածուներին արգելվել է հրապարակել նկարներ կամ տեսանյութեր, որտեղ նրանք պատկերված են օտարերկրյա ղեկավարների հետ:
