Քրդական Fırat լրատվական գործակալության փոխանցմամբ՝ Մարդու իրավունքների միության ստամբուլյան մասնաճյուղը պատրաստել է «Կանանց հանդեպ բռնություն» խորագրով զեկույցը։ Ըստ դրա՝ վերջին 7 տարիներին (2005-2011) 4190 կին է սպանվել ամուսինների կողմից։ Ամենաբարձր ցուցանիշները գրանցվել են 2007 և 2009 թվականներին՝ 1011 և 1126 կին։
Այս տարի Թուրքիայում կտրուկ աճել է կանանց դեմ մահացու ելքով բռնություն գործադրելու մեջ մեղադրվողների քանակը։ Ընդհանրապես, վերջին 7 տարիներին 38 տոկոսով աճել է կանանց հանդեպ սեռական բռնություններ գործադրելու մեջ մեղադրվողների քանակը։
Կանանց սպանության մեջ մեղադրվողների 25 տոկոսը կազմել են մինչև 18 տարեկանները, 24 տոկոսը՝ 18-30 տարեկանները, 27 տոկոսը՝ 31-40 և 41-50 տարեկանները, 18 տոկոսը՝ 51-60 տարեկանները, 6 տոկոսը՝ 61-70 տարեկանները։
Զեկույցի համաձայն՝ այս տարվա առաջին 8 ամիսներին Թուրքիայում յուրաքանչյուր 100 կնոջից 16-ը ենթարկվել է սեռական բռնության։ 8 ամսում սպանվել են 143 կանայք։
