Անկախ Հայաստանի մարդկային ամենամեծ կորուստը բնակչության արտագաղթն է, որը տեղի ունեցավ հատկապես 1990-ականների ընթացքում, ու, ցավոք, հիմա էլ շարունակվում է բնակչության արտագաղթը: 1828 թվականից մինչ օրս Արևելյան Հայաստանի բնակչությունը երբևէ չէր պակասել, անընդհատ աճման միտում էր հանդես բերել: «Առաջին լրատվականի» հետ զրույցում այսպիսի կարծիք հայտնեց ԳԱԱ պատմության ինստիտուտի տնօրեն Աշոտ Մելքոնյանը:
«Այս վերջին տասնամյակների ընթացքում նկատվեց բնակչության անկում, նահանջ: Սա հավաքական առումով, բնականաբար, ամենամեծ կորուստն էր, իսկ մարդկային առումներով` մեր արցախյան պատերազմի հերոսներն էին: Որոշ տվյալներով` նրանց թիվը հասնում է 6000-7000-ի»,- ցավով նշեց պատմաբանը:
Նրա խոսքով` եթե փորձենք ավելի կոնկրետացնել, ապա մեծագույն կորուստ է խաղաղ պայմաններում`1999թ. հոկտեմբերի 27-ի ողբերգությունը, որի ժամանակ կորցրեցինք մեր «պետական այրերին»:
«Եթե փորձենք նման զուգահեռներ անցկացնել համաշխարհային պատմության մեջ, ապա նման դեպքեր գտնելը շատ դժվար է»,- հավելեց Ա.Մելքոնյանը:
