Ադրբեջանի նախագահի աշխատակազմի հասարակական–քաղաքական բաժնի ղեկավար Ալի Հասանովը Բաքվում Թուրքիայի դեսպանատանը ելույթ ունենալիս հայտարարել է, որ Ադրբեջանը չի եղել, երբեք պլացդարմ չի լինի հարևան երկրների ուղղությամբ հարված հասցնելու համար: Այնուհետև ադրբեջանցի պաշտոնյան մասնավորեցրել է. «Եթե Միացյալ Նահանգներին անհրաժեշտ է պլացդարմ ունենալ` Իրանին հարված հասցնելու համար, թող ուրիշ վայր փնտրեն: Մի՞թե նրանք դրա համար բավարար հնարավորություններ չունեն, որ Ադրբեջանին ներքաշեն դրանում»: Նրա խոսքով, WikiLeaks-ի բացահայտումներում հստակ նկատվում է, թե ինչպես են որոշակի ուժեր ձգտում վնասել Ադրբեջանի և Իրանի հարաբերությունները: «Մենք միայն կարող ենք երկրների միջև բարեմակության և համագործակցության պլացդարմի»,- տեղեկացրել է Հասանովը, հայտնում է 1News.az-ը: