Չինական Չժեն Ցզյան նահանգում, որը գտնվում է երկրի արևելքում, արգելվել է շան մսից պատրաստվող կերակրատեսակների մրցույթը: Այս միջոցառումը, որը տեղի է ունենում 8-րդ տարին անընդմեջ, արգելվել է, քանի որ սուր քննադատության է ենթարկվել կենդանիների պաշտպանությամբ զբաղվող կազմակերպությունների և հասարակության կողմից: Այս մասին գրում է The Global Times-ը:
Բողոք ներկայացրած կազմակերպությունները նշում էին, որ շներին չի կարելի սպանել մի քանի պատճառներով, այդ թվում՝ որ շները «մարդու ընկերներն են», և այդ սպանդը լուրջը վնաս է հասցնում շրջանի վարկին: Նշվում է, որ անցած տարի այստեղ 5-10 հազար շուն է սպանվել:
Թերթը գրում է, որ շան մսից պատրաստված ուտեստների փառատոնը նախաձեռնվել է դեռ Մին կայսերական տոհմի ներկայացուցիչ Չժու Յուանչժանի կողմից: